გუშინ ყველაზე მსხვილმა ოპოზიციურმა პარტიამ, ,,ნაციონალურმა მოძრაობამ’’ თბილისში ცენტრალური ოფისის წინ პრეზენტაცია გამართა და მერობის კანდიდატები 30 ქალაქში დაასახელა. ჩამონათვალში არ მოხვდა გურია. ერთიანი ნაციონალური მოძრაობის ოზურგეთის რაიონული ლიდერი, დავით მჟავანაძე ამბობს, რომ გუშინდელ სიაში არა მარტო გურია, არამედ სხვა რეგიონებიც არ მოხვდნენ, რადგან ჯერ კიდევ 23 ქალაქი განხილვის პროცესშია. მჟავანაძე იქვე იმასაც აცხადებს, რომ პარტიას გურიაში არათუ მერობის კანდიდატი, არამედ საკრებულოში შემსვლელთა ძალიან შთამბეჭდავი სია ექნება. ნაციონალური მოძრაობის რაიონული ორგანიზაციის თავმჯდომარე დარწმუნებულია, რომ სამივე მუნიციპალიტეტში, ისევე როგორც დანარჩენ საქართველოში ოპოზიცია გაიმარჯვებს.
კომენტარები
Loading ...