2024 წლის 1 აგვისტოდან 2025 წლის 3 მარტის ჩათვლით პერიოდში, საქართველოდან 13.7 ათასი ტონა თხილია ექსპორტირებული – ინფორმაციას გარემოს დაცვისა და სოფლის მეურნეობის სამინისტრო ავრცელებს.
მათივე ცნობით, ექსპორტირებული თხილის ღირებულებამ 84.4 მლნ აშშ დოლარი შეადგინა. თხილის საშუალო საექსპორტო ფასი, გასული წლის ანალოგიურ პერიოდთან შედარებით, ერთ კილოგრამზე ფასი 16%-ით გაიზარდა და 6.14 $/კგ შეადგინა.
გასული წლის ანალოგიურ პერიოდთან შედარებით, ექსპორტირებული თხილის მოცულობა 2.1 ათასი ტონით (18%-ით), ხოლო ღირებულება – 22.4 მლნ აშშ დოლარით (36%-ით) გაიზარდა.
სტატისტიკის ეროვნულ სამსახურს ჯერ თებერვლის მონაცემები არ გამოუქვეყნებია იანვრის მონაცემებით კი TOP-5 საექსპორტო ქვეყანა ასეთია:
- იტალია – 1.7 მლნ აშშ დოლარის 275.6 ტონა;
- პოლონეთი – 766.7 ათასი აშშ დოლარის 103 ტონა;
- საფრანგეთი – 765.4 ათასი აშშ დოლარის 103 ტონა;
- რუსეთი – 519 ათასი აშშ დოლარის 92.9 ტონა;
- შვეიცარია – 475.3 ათასი აშშ დოლარის 60.1 ტონა.
www.bm.ge
კომენტარები
Loading ...