ორად გაყოფილ “ნაციონალურ მოძრაობაში” მელიას მხარდამჭერებს თანამდებობიდან უშვებენ. ცოტა ხნის წინ, “პირველებისთვის” ცნობილი გახდა, რომ სიღნაღის საკრებულოს ფრაქცია “ნაციონალურ მოძრაობის” თავმჯდომარის მოადგილე, თანამდებობიდან ისე გადააყენეს, რომ სხდომაზე არც კი მიუწვევიათ. პოლიტიკური წმენდა კი პარტიაში დაპირისპირებას კიდევ უფრო აღრმავებს.
ნატო უსენაშვილი ამბობს, რომ პარტიამ მას ყოფილი თავმჯდომარის მხარდაჭერა არ აპატიეს.
“ფაქტობრივად ჩვენი სტიგმატიზაცია ხდებოდა ნიკა მელიას მხარდაჭერის გამო. გადამირჩიეს აბსურდული მიზეზით, მე ვფიქრობ, რომ სირცხვილია პარტიის ახალი მენეჯმენტის მხრიდან ასეთი საქციელი მაშინ, როცა საუბრობ დემოკრატიაზე, გამჭვირვალობაზე, ობიექტურობაზე და თავად შენთვის კი მიუღებელია განსხვავებული აზრი. მოვიკითხე თვითონ მიზეზი, რატომ გამათავისუფლეს და რა მიზეზი იყო და მართლა აბსურდული არის, ეს იყო მიზეზი, რომ მე ფრაქციის იმიჯს თურმე ვაზიანებდი. ეს იყო დასჯა ნიკა მელიას მხარდაჭერის გამო. მქონდა ლილე ლიპარტელიანთან,
კომუნიკაცია, კიდევ მქონდა რამდენიმე ადამიანთან, შეგვპირდნენ, რა თქმა უნდა, რეაგირება არაფერი არ ჰქონია და ალბათ იქიდან იყო ეს მითითება, რომ ასე უნდა გაეკეთებინათ, ეჭვიც არ მეპარება მაგაში.”- ამბობს ნატო უსენაშვილი.
Loading ...