ბოლო რამდენიმე დღეა, ესპანეთში კორონავირუსით გარდაცვალების არც ერთი ფაქტი არ დაფიქსირებულა, მათ შორის, არც ბოლო 24 საათის განმავლობაში. ამის შესახებ ინფორმაციას მედია ესპანეთის ჯანდაცვის სამინისტროზე დაყრდნობით ავრცელებს.
პანდემიის დასაწყისიდან დღემდე, ესპანეთში კორონავირუსით გარდაცვლილთა რაოდენობა, ოფიციალური მონაცემებით, 27 127 ადამიანს შეადგენს.
რაც შეეხება დაინფიცირების ახალ შემთხვევებს, მათი რაოდენობა ბოლო დღე-ღამის განმავლობაში 137 ადამიანით გაიზარდა და 239 932 გახდა.
ბოლო ერთ კვირაში, საავადმყოფოში 243 პაციენტი მოხვდა, რომელთაგან ინტენსიური თერაპიის განყოფილებაში მოთავსებულია 11 პაციენტი.
კომენტარები
Loading ...