ერთი ადამიანი ემსხვერპლა, ორი კი დაშავდა ხაშურთან მომხდარ ავარიას

ხაშური-ბორჯომის საავტომობილო გზაზე მომხდარი ავტოსაგზაო შემთხვევა მსხვერპლით დასრულდა.

ავარიის შედეგად, ავტომობილში მყოფი ერთი პირი გარდაიცვალა, ორი კი, სხვადასხვა სიმძიმის დაზიანებებით, ხაშურის ცენტრალურ საავადმყოფოში გადაიყვანეს, საიდანაც მათი რეფერირება თბილისში, პროფილურ კლინიკაში განხორციელდა.

შემთხვევა სოფელ ცხრამუხასთან მოხდა, საავტომობილო გზაზე მოძრავი ავტომობილი გარეგანათების ბოძს შეეჯახა.

მომხდარ ფაქტზე დაწყებულია გამოძიება.