ერდოღანი თურქეთს სახელს უცვლის

თურქეთის პრეზიდენტმა რეჯეფ თაიფ ერდოღანმა ქვეყნის ლათინური სახელის შეცვლა გადაწყვიტა.

ერდოღანის განცხადებით, ამიერიდან თურქეთი Turkey-ს ნაცვლად, Türkiye-დ უნდა მოიხსენიონ.

“დაარქვით რებრენდინგი, გინდაც ეროვნული სიამაყე, მაგრამ ამიერიდან Turkey-ის ნაცვლად ქვეყანას ერქმევა Türkiye”- ამის შესახებ გამოცემა Travel Week წერს.
პრეზიდენტ რეჯეპ ტაიპ ერდოღანის განცხადების საფუძველზე, სახელმწიფოს საერთაშორისო სახელწოდების რებრენდინგის პროცესი დაიწყო. ახლა ლათინურად თურქეთს Türkiye დაერქმევა და არა Turkey, რომელიც ინგლისურად “ინდაურს” ნიშნავს.
ჯერ კიდევ დეკემბრის დასაწყისში ერდოღანმა აღნიშნა, რომ დასახელება Türkiye ყველაზე კარგად წარმოადგენს და გამოხატავს თურქი ხალხის კულტურას, ცივილიზაციას და ფასეულობებს.
შესაბამისად, ამიერიდან „Made in Türkiye“ ქვეყნის ყველა საექსპორტო პროდუქციაზე დაიწერება, პარალელურად, ქვეყნის ტურიზმის ვებგვერდმა უკვე გადაიკეთა სახელი და გახდა – GoTurkiye.com.
გარდა ამისა, პრეზიდენტის ბრძანების თანახმად, ადგილობრივი ინსტიტუტები გამოიყენებენ Türkiye-ის, როგორც ქვეყნის სახელს ყველა სახის ოფიციალურ მიმოწერასა თუ საქმიანობაში, განსაკუთრებით სხვა სახელმწიფოებთან და საერთაშორისო ინსტიტუტებთან და ორგანიზაციებთან წარმოებულ ოფიციალურ ურთიერთობებში.