„მე არ მეპარება ეჭვი მის შესაძლებლობებში და მგონია, რომ ვერ არის გამომჟღავნებული ის შესაძლებლობები, რაც მას აქვს. ბიძინა ივანიშვილს ძალიან დიდი შესაძლებლობები აქვს და ჩვენ სათანადოდ არ გვყავს კიდევ შესწავლილი“, – ამბობს დეპუტატი „ქართული ოცნებიდან“, ენძელა მაჭავარიანი ბიძინა ივანიშვილის დისერტაციაში სავარაუდოდ პლაგიატის არსებობის შესახებ კომენტირებისას.
„მე ვერ წარმომიდგენია, ბიძინა ივანიშვილმა რამე გააკეთოს და კარგად არ გააკეთოს“, – თქვა ენძელა მაჭავარიანმა.
ბიძინა ივანიშვილის საკანდიდატო დისერტაციის შესწავლა განათლების ხარისხის განვითარების ეროვნულ ცენტრს თავისუფლების ინსტიტუტმა სთხოვა. მათ მოიპოვეს 1986 მოსკოვში დაცული დისერტაცია და ექსპერტთა ჯგუფს შეაფასებინეს, რომლებმაც გამოთქვეს ვარაუდი, რომ ის პლაგიატის ნიშნებს მოიცავს და არ შეესაბამება სამეცნიერო სტანდარტებს.
ბიძინა ივანიშვილის დისერტაციის თემაა: ორგანიზების კოლექტიური ფორმის ნორმატიულ-მეთოდოლოგიური უზრუნველყოფა და შრომის სტიმულირება წარმოებაში და მისი სრულყოფის გზები – მეცნიერული ორგანიზება და შრომის ეკონომიკა. დისერტაცია დაცულია მოსკოვში, შრომის სამეცნიერო კვლევით ინსტიტუტში, 1987 წელს.
www.radiotavisupleba.ge
Loading ...
