ევროსაბჭოს გენერალურმა მდივანმა მარია პეიჩინოვიჩ-ბურიჩმა საქართველოს კონფლიქტთან დაკავშირებით მორიგი მოხსენება გამოაქვეყნა. დოკუმენტში სერიოზული ყურადღებაა გამახვილებული ოკუპირებულ აფხაზეთსა და ე.წ. სამხრეთ ოსეთში ადამიანის უფლებების დარღვევის ფაქტებზე. ინფორმაციას „ეხო კავკაზა“ ავრცელებს.
ძირითადი ყურადღება გამახვილებულია გადაადგილების უფლების შეზღუდვაზე, ასევე სათანადო განათლებისა და ჯანდაცვის მიღების შეუძლებლობაზე.
მოხსენებაში, ასევე, აღნიშნულია, რომ საქართველო დე ფაქტო რეჟიმებთან დიალოგის საწარმოებლად ძალისხმევას არ იშურებს, რათა ოკუპირებული რეგიონების მოსახლეობას
სამედიცინო და სხვა ტიპის სოციალურ საკითხებზე სათანადო წვდომა ჰქონდეს.
ევროსაბჭო ასევე იუწყება, რომ ოკუპირებულ რეგიონებში დაღუპული საქართველოს მოქალაქეების გიგა ოთხოზორიას, დავით ბაშარულისა და არჩილ ტატუნაშვილის საქმეების გამოძიებაზე არანაირი პროგრესი არ არსებობს.
Loading ...
