ევროპის წამლების სააგენტომ Johnson & Johnson-ის ვაქცინის გამოყენება დაამტკიცა. განცხადებაში, სააგენტომ აღნიშნა, რომ ამ ვაქცინის შესახებ მონაცემები “ძლიერია” და “აკმაყოფილებდა ეფექტურობის, უსაფრთხოების და ხარისხის კრიტერიუმებს”.
ჯანდაცვის საკითხებში ევროკომისარმა სტელა კირიაკიდესმა განაცხადა, რომ Johnson & Johnson– ის ვაქცინის ოფიციალური ავტორიზაცია მალე მოხდება.
”ეს კიდევ ერთი მნიშვნელოვანი ნაბიჯია, რათა ყველა მოქალაქეს შეეძლოს უსაფრთხო და ეფექტური ვაქცინის მიღება, რაც შეიძლება სწრაფად,” – წერს იგი “ტვიტერზ”ე.
ინფორმაციისთვის, Johnson & Johnson-ის ვაქცინა ერთ დოზას მოითხოვს და ჩვეულებრივ მაცივარში ინახება. მანამდე ევროკავშირმა Pfizer-BioNTech-ის, Moderna-სა და AstraZeneca-ს მიერ წარმოებული ვაქცინების გამოყენება დაამტკიცა. Johnson & Johnson-ის ვაქცინა უკვე დაამტკიცა აშშ-მა და კანადამ.
Loading ...