პრემიერმინისტრმა გიორგი გახარიამ ევროპარლამენტარებისგან წერილი მიიღო, სადაც ისინი დაჟინებით მოუწოდებენ საქართველოს ხელისუფლებას, მიიღონ დაპირებული ზომები პროპორციული საარჩევნო სისტემის მისაღებად.
“საქართველო, როგორც ასოცირების შეთანხმებისა და ღრმა და ყოვლისმომცველი თავისაფული ვაჭრობის ხელმომწერი, ევროკავშირის დიდხნიანი პარტნიორია თავისი უნიკალური ადგილით ევროპულ სამეზობლოში.
ამავდროულად, ჩვენ, ევროპარლამენტის წევრები, როგორც საქართველოს ნამდვილი მოკავშირეები გამოვხატავთ ჩვენს შეშფოთებას სამართლის უზენაესობისა და დემოკრატიული პრინციპების კუთხით საქართველოს უკუსვლაზე.
დასანანია, რომ საკონსტიტუციო შესწორებები, რომლის მიხედვითაც 2020 წლის ოქტომბერში არჩევნები პროპორციული საარჩევნო სისტემით უნდა ჩატარებულიყო, ჩავარდა. შეშფოთებულები ვართ იმ როლით, რაც მმართველმა პარტიამ ითამაშა ამ ჩაგდებაში. ქართული საზოგადოების აშკარა პოლარიზაცია იმ სტატუს კვოს შედეგია, რომელიც უარს ამბობს დემოკრატიული პოლიტიკური ცხოვრების წახალისებაზე. ჩვენ მხარს ვუჭერთ ხელისუფლებასა და ოპოზიციას შორის მიმდინარე დიალოგს და იმედი გვაქვს, რომ საკითხები დროულად გადაიჭრება. საქართველოს ხელისუფლებას დაჟინებით მოვუწოდებთ, მიიღოს დაპირებული ზომები პროპორციულ საარჩევნო სისტემაზე კიდევ უფრო გადადების გარეშე,”- წერია წერილში.
Loading ...
