საქართველოში მიმდინარე მოვლენებთან, ლექსო ლაშქარავას გარდაცვალებასთან და პრაიდის კვირეულის დროს მომხდარ ძალადობასთან დაკავშირებით ევროკომისიის სპიკერს პიტერ სტანოს კითხვა დაუსვა. სტანოს თქმით, მნიშვნელოვანია, რომ ლექსო ლაშქარავას გარდაცვალების გამოძიებეა გამჭვირვალე და დამოუკიდებელი იყოს.
“ძალიან სამწუხაროა, რაც ბოლო რამდენიმე დღის მანძილზე ვიხილეთ საქართველოში, განსაკუთრებით ოპერატორის სიკვდილი. ამიტომ არის მნიშვნელოვანი, რომ მისი გარდაცვალების გარემოებები ნათლად, გამჭვირვალედ და დამოუკიდებლად იყოს გამოძიებული. როგორც ვიცით, გამოძიება დაწყებულია და ძალიან მნიშვნელოვანია, [გამოძიება] გამჭვირვალე იყოს და გაირკვეს რა მოხდა.” – თქვა ევროკომისიის სპიკერმა.
სტანომ ასევე აღნიშნა, რომ პრაიდის კვირეულის დროს მომხდარ ძალადობასთან დაკავშირებით ევროკავშირის განცხადებები ნათელი იყო და ადამაინის უფლებები გარანტირებული უნდა იყოს.
“რაც შეეხება ძალიან სამწუხარო მოვლენებს, რომლებიც თბილისში მოხდა ღირსების მარშთან დაკავშირებით, ჩვენი განცხადებები უკვე იყო ძალიან ნათელი: უმცირესობის უფლებები და თავისუფლებები უნდა იყოს გარანტირებული და მათ პატივი უნდა სცენ. ამ დაცვის უზრუნველყოფა არის სახელმწიფოს როლი.
ეს ყველაფერი არის გათვალისწინებული საქართველოსთან თანამშრომლობის შეფასებისას. ასოცირების შეთანხმებით საქართველო არის ძალიან ახლოს დაკავშირებული ევროკავშირთან. ჩვენ გვაქვს რეგულარული განხილვა და დიალოგი ამ საკითხებზე. ევროკავშირი ყველა ამ საკითხის განიხილავს. საქართველომ თავად განაცხადა და გადაწყვიტა გაეტარებინა ევროპული ღირებულებები. ეს არის საერთო საფუძველი, რომლითაც ვხელმძღვანელობთ. ადამიანის ფუნდამენტური უფლებები, მიუხედავად იმისა ეკუთვნიან თუ არა ისინი ეთნიკურ, ენობრივ, ეროვნულ, გენდერულ თუ სექსუალურ უმცირესობას, ამ ადამიანის უფლებები და თავისუფლებები უნდა იყოს გარანტირებული და დაცული.” – თქვა პიტერ სტანომ.
Loading ...