ევროკავშირმა პერსონალური სასანქციო სია გააფართოვა და მასში კიდევ 216 რუსი დაამატა. ასევე სანქციები შეეხო სხვადასხვა სატრანსპორტო და სამრეწველო კომპანიებს.
საუბარია ისეთ პირებზე, რომლებიც რუსეთში ეკონომიკის სფეროში მუშაობენ, ასევე არიან ოლიგარქები, პროპაგანდისტები, პროსახელისუფლებო მედიების ხელმძღვანელები და არააღიარებული რესპუბლიკების ე.წ. წარმომადგენლები. სასანქციო სიაში ასევე კალაშნიკოვის კონსერნი მოხვდა.
სიაში მათ შორის არიან: ვლადიმერ პუტინის სავარაუდო შვილები – მარია ვორონცოვა და კატერინა ტიხონოვა 9ვლადიმერ პუტინი მათ არ აღიარებს), რუსი ოლიგარქი ოლეგ დერიპასკა, ბორის და იგორ როტენბერგები, კირილ შამალოვი, საიდ კერიმოვი, სბერბანკის ხელმძღვანელი გერმან გრეფი, პროპაგანდისტი ალექსეი პიმანოვი, კომსომოლსკაია პრავდას მთავარი რედაქტორი ვლადიმერ სუნგორკინი, რუსეთის სახელმწიფო ტელერადიომაუწყებლობის კომპანიის გენერალური დირექტორი ოლეგ დობროდეევი, მოსკოვსკი კომსომოლეცის მთავარი რედაქტორი პაველ გუსევი და რუსეთის თავდაცვის სამინისტროს წარმომადგენელი იგორ კონაშენკოვი.
ევროკავშირმა ვითიბი ბანკის, ნოვიკომბანკის, სოვკომბანკის, ოტკრიტიას და 18 სატრანსპორტი კომპანიის აქტივები გაყინა.
Loading ...
