დღეს ხელისუფლებისა და ოპოზიციის წარმომადგენლები მეორე შეხვედრას გამართავენ

დღეს 18:00 საათზე ხელისუფლებისა და ოპოზიციის წარმომადგენლები, უცხოელი დიპლომატების მონაწილეობით, მეორე შეხვედრას გამართავენ.

განხილვის მთავარი საკითხი კვლავ საარჩევნო სისტემა იქნება. ოპოზიცია ე.წ. გერმანული მოდელის მიხედვით შემუშავებული საარჩევნო სისტემის შემოღებას ითხოვს, რაზეც ხელისუფლებაში აცხადებენ, რომ აღნიშნული მოდელი საქართველოს კონსტიტუციასთან შეუსაბამოა.

ხელისუფლებისა და ოპოზიციის წარმომადგენლების პირველი შეხვედრა 30 ნოემბერს შედგა.