საბავშვო ბაღებში სააღმზრდელო პროცესი განახლდა გურიის რეგიონშიც. ოზურგეთის მუნიციპალიტეტში 44 საბავშვო ბაღიდან 43 დღეს აღსაზრდელების მისაღებად დღეს მზად იყო. (მხოლოდ ერთ, ასკანის საბავშვო ბაღში დაიწყება პროცესი რამდენიმე დღეში, აქ ჩატარებული სარემონტო სამუშაოების შედეგად შენობაში დარჩენილი სპეციფიკური სუნის გამო.) თუმცა აქტივობა საბავშვო ბაღებში შესამჩნევად მცირეა და ჯგუფების სრული უმრავლესობა სულ რამდენიმე ბავშვით არის წარმოდგენილი. ოზურგეთის მუნიციპალიტეტის საბავშვო ბაღებში რეგისტრირებული 2400-ზე მეტი ბავშვიდან დღეს სააღმზრდელო პროცესს 640 მათგანი შეუერთდა. მაგალითად, ოზურგეთის მესამე საბავშვო ბაღში დღეს 202 აღსაზრდელიდან მხოლოდ 25 მათგანი მივიდა.“ყველა რეგულაციას ვიცავთ, რაც სააღმზრდელო პროცესის უსაფრთხოდ წარმართვისთვის არის საჭირო. სადეზინფექციო სამუშაოები ყველა ბაღში ჩატარებულია. შრომის ინსპექცია ყველა მათგანში ნამყოფია. თერმოსკრინინგი ტარდება ყველა ბავშვსა და თანამშრომელზე. მშობელთა და გარეშე პირთა შემოსვლა ბაღის შენობაში შეზღუდულია. სავალდებულო ტესტირებას ყოველ ორ კვირაში ერთხელ ყველა თანამშრომელი გაივლის. მაქსიმუმს ვაკეთებთ იმისთვის, რომ ბავშვებს ბაღებში სრულიად უსაფრთხო გარემო დახვდეთ.” – განაცხადა ოზურგეთის სკოლამდელ დაწესებულებათა გაერთიანების ხელმძღვანელმა მაკა ჭყონიამ.
კომენტარები
Loading ...