დღეს დილით გურიაში სამი მცირე სიმძლავრის მიწისძვრა მოხდა

დღეს დილით გურიაში, ოზურგეთისა და ჩოხატაურის მუნიციპალიტეტებში ორი საათის განმავლობაში სამი მცირე სიმძლავრის მიწისძვრა მოხდა.

დედამიწის შემსწავლელი მეცნიერებათა ინსტიტუტის და სეისმური მონიტორინგის ეროვნული ცენტრის ინფორმაციით პირველი 3,6 მაგნიტუდის სიმძლავრის 9 საათსა და 18 წუთზე მოხდა, მიწისძვრის ეპიცენტრი ოზურგეთთან ახლოს, სოფელ ლიხაურის ტერიტორიაზე იყო.

10 საათსა და 27 წუთზე 3 მაგნიტუდის სიმძლავრის მიწისძვრა მოხდა ოზურგეთში, კურორტ გომისმთიდან 4 კმ-ში.

11 საათზე 3,1 მაგნიტუდის სიმძლავრის მიწისძვრა მოხდა ჩოხატაურის მუნიციპალიტეტში, ეპიცენტრი სოფელი ბუკნარი.