დონალდ ტრამპი – ამერიკის ოქროს ხანა იწყება – ჩვენი ყველა ქვეყანას შეშურდება და თავს უფლებას არ მივცემთ, ჩვენით ბოროტად ისარგებლონ

ახლა ამერიკის ოქროს ხანა იწყება, – ამის შესახებ აშშ-ის პრეზიდენტმა, დონალდ ტრამპმა ინაუგურაციის ცერემონიაზე სიტყვით გამოსვლისას განაცხადა.

„დღეიდან ჩვენი ქვეყანა კვლავ აყვავდება და მთელ მსოფლიოში პატივსაცემი გახდება. ჩვენი ყველა ქვეყანას შეშურდება და საკუთარ თავს უფლებას არ მივცემთ, რომ ჩვენით ბოროტად ისარგებლონ. ჩვენი მთავარი პრიორიტეტი ამაყი, აყვავებული და თავისუფალი ქვეყნის შექმნა იქნება. ამერიკა მალე უფრო დიდი, ძლიერი და გამორჩეული გახდება, ვიდრე ოდესმე“, – განაცხადა დონალდ ტრამპმა.

დონალდ ტრამპის განმარტებით, მთელი ქვეყნის მასშტაბით ცვლილებების ტალღა ვრცელდებოდა.

„მზის შუქი მთელ მსოფლიოში ანათებს და ამერიკას აქვს შანსი გამოიყენოს ეს შესაძლებლობა, ისე როგორც არასდროს“, – აღნიშნა აშშ-ის პრეზიდენტმა.

დონალდ ტრამპმა დრეს ფიცი დადო და აშშ-ის 47-ე პრეზიდენტი ოფიციალურად გახდა.

დონალდ ტრამპმა ფიცი დადო ორ ბიბლიაზე: ერთი, რომელიც მას დედამ აჩუქა და ლინკოლნის ბიბლიაზე, რომელიც გამოიყენა ასევე რამდენიმე სხვა წინა პრეზიდენტმა – აბრაამ ლინკოლნმა კი 1861 წელს.

აშშ-ის პრეზიდენტმა, დონალდ ტრამპმა უამინდობის გამო ფიცი კაპიტოლიუმის შენობაში, აშშ-ის უზენაესი სასამართლოს მთავარი მოსამართლის, ჯონ რობერტსის წინაშე დადო.

მანამდე ფიცი აშშ-ის 50-ე ვიცე-პრეზიდენტმა, ჯეი დი ვენსმა დადო.