დოდო გუგეშაშვილის დაჭრისა და მისი შვილის მკვლელობისთვის დაკავებულს ზაზა მურჯიკნელს ბრალი წარედგინა.
ზაზა მურჯიკნელს ბრალი “სისხლის სამართლის კოდექსის” 109-ე მუხლის პირველი და მესამე ნაწილით და 236-ე მუხლის მეორე და მესამე ნაწილით წარედგინა, რაც განზრახ მკვლელობას, ორი ან მეტი პირის მიმართ განზრახ მკვლელობის მცდელობას, დანაშაულის დაფარვას და ცეცხლსასროლი იარაღის მართლსაწინააღმდეგო შეძენა-შენახვას ითვალისწინებს.
როგორც ზაზა მურჯიკნელის ადვოკატი გოგა ბოგვერაძე ამბობს, მისი დაცვის ქვეშ მყოფი ბრალს არ აღიარებს.
“არც ერთ ბრალდებას, ჩემი დაცვის ქვეშ მყოფი არ აღიარებს, ყოველგვარ შემხებლობას საქმესთან უარყოფს. ჩვენ ამ დრომდე საქმის მასალები არ გადმოგვცემია. მტკიცებულებების გამოკვლევის შემდეგ, უკვე ნათელი გახდება, თუ რა მტკიცებულებები აქვს ბრალდების მხარეს ჩემი დაცვის ქვეშ მყოფის წინააღმდეგ. თუმცა, ეჭვი მეპარება პირდაპირი მტკიცებულების მსგავსი ჰქონდეს.
არსად არ გაქცეულა. დანაშაულის ჩადენის შემთხვევაში, როდესაც ბრალდება უვადო თავისუფლების აღკვეთას ითვალისწინებს, პირი ბუნებრივია შესაძლოა მიიმალოს და არ გააგრძელოს ცხოვრება იმ სახლში, სადაც ცხოვრობდა, თუმცა, ჩემი დაცვის ქვეშ მყოფს დასამალი არაფერი არ ჰქონდა”, – აცხადებს დაკავებულის ადვოკატი.
Loading ...