Balenciaga-ს კრეატიული დირექტორი დემნა გვასალიაა, ქართველი, აფხაზეთიდან დევნილი დიზაინერი.
დარბაზში, სადაც ჩვენება ჩატარდება, სკამებზე, უკრაინის დროშები დაალაგეს.
შოუს დაწყებამდე დემნამ განცხადება გამოაქვეყნა.
ის წერს:
“უკრაინაში ომმა გამიმწვავა წასული ტრავმის ტკივილი, რომელსაც 1993 წლიდან ვატარებ, როცა იგივე მოხდა ჩემს სამშობლოში და მე სამუდამოდ ლტოლვილად ვიქეცი.
სამუდამოდ, იმიტომ, რომ ეს არის ის, რაც შენში რჩება.
შიში, სასოწარკვეთა, იმის გააზრება, რომ არავის უნდიხარ. მაგრამ ასევე გავაცნობიერე, რომ რაც ცხოვრებაში მართლაც მნიშვნელოვანია, თავად სიცოცხლე, ადამიანების სიყვარული და თანაგრძნობაა.
ამიტომაა, რომ ამ შოუსთვის მუშაობა გასულ კვირას ჩემთვის განსაკუთრებით მძიმე იყო.
იმიტომ, რომ ასეთ დროს მოდა კარგავს რელევანტურობას და არსებობის უფლებას. მოდის კვირეული რაღაც აბსურდული ხდება.
ერთი წამით ისიც ვიფიქრე, გამეუქმებინა შოუ, რომელზეც მე და ჩემმა გუნდმა ამდენი ვიმუშავეთ. მაგრამ შემდეგ მივხვდი, რომ გაუქმება დანებებას ნიშნავს ბოროტების წინაშე, რომელიც თითქმის 30 წელია, მტანჯავს.
მე გადავწყვიტე, რომ აღარ შემიძლია, მსხვერპლად გავიღო ჩემი ნაწილი უაზრო, უგულო ომის გამო.
ამ შოუს ახსნა არ სჭირდება. ის ეძღვნება უშიშრობას, წინააღმდეგობას და სიყვარულის და მშვიდობის გამარჯვებას.
სიყვარულით, დემნა”.
Loading ...
