რამდენჯერ გსმენიათ “ხუმრობები” , როგორიცაა “ქალი საჭესთან – დამნაშავეა?” არა და, უკვე დიდი ხანია ყველასთვის ცნობილია, რომ ზოგადად ქალები მანქანას კაცებზე ბევრად უფრო ფრთხილად მართავენ.
მექსიკის გზის მოძრაობის უსაფრთხოების ცენტრის კიდევ ერთმა კვლევამ აჩვენა, რომ ქალები ბევრად უფრო უსაფრთხოდ მართავენ და ნაკლებად ხვდებიან ავტოავარიაში. ყველა უბედური შემთხვევის მხოლოდ 29%-ია ქალების მიერ გამოწვეული.
აქ მოცემულია 7 რჩევა, რათა მანქანა უფრო უსაფრთხოდ მართოთ:
1. არავითარი ტელეფონი!
მართალია ითვლება, რომ ქალებს ერთდროულად მრავალი დავალების შესრულება შეუძლიათ, ვიდრე მამაკაცებს, მაგრამ საჭესთან ჯდომისას ტელეფონზე საუბარი მაინც არ ღირს. ავტოავარიების 15-20% მობილური მოწყობილობების გამოყენების გამო ხდება. ფუნქცია hands-free მოწყობილობაც კი არ იძლევა სრული უსაფრთხოების გარანტიას, რადგან ის მძღოლის ყურადღებას იქცევს.
2. უსაფრთხოების ღვედი ყველასთვის აუცილებელია
მამაკაცები 10%-ით იშვიათად იყენებენ ღვედს, ვიდრე ქალები. თუ თქვენ ღვედს ყოველ ჯერზე შეიკრავთ, როგორც კი მანქანაში ჩაჯდებით, 21 დღის შემდეგ ეს ჩვევად გადაგექცევათ და ავტომატური რეფლექსი გახდება.
3. ნუ დაგავიწყდებათ ბავშვები
მაშინაც კი, თუ უბრალოდ მაღაზიაში აპირებთ გასვლას, ბავშვების ტრანსპორტირება უსაფრთხოების ყველა წესის დაცვით უნდა მოხდეს. ძალიან ხშირად მანქანის სავარძელი სწორად არ არის დამონტაჟებული, ზოგი კი მათ საერთოდ არ იყენებს. ეს ბავშვების მიმართ დანაშაულია.
4. დააკვირდით სიჩქარეს სხვადასხვა მონაკვეთში
მიუხედავად იმისა, რომ მაგისტრალები ჩვეულებრივ იყოფა სხვადასხვა სიჩქარის ზოლში, ბევრი ამას აიგნორებს. თუ მანქანის სწრაფად ან ნელა ტარება გსურთ, გთხოვთ, შესაბამისი ზოლი აირჩიოთ. ნუ გახდებით უბედური შემთხვევის მიზეზი.
5. გამოიყენეთ სიგნალები
გაჩერებები და მოსახვევები უმიზეზოდ არ გამოუგონებიათ. ისინი დანიშნულებებისამებრ გამოიყენეთ, თუ გზაზე ავარიული სიტუაციის შექმნა არ გსურთ.
6. თქვენი საუკეთესო მეგობარი დაზღვევაა
გასაღები მანქანაში დაგრჩათ? საბურავი დაგეშვათ? ეს ყველაფერი კარგი დაზღვევით არის დაცული. აირჩიეთ პოლისი, რომელიც თქვენთვის საუკეთესოა.
7. სჯობს გვიან, ვიდრე არასდროს
დანიშნულების ადგილზე უფრო სწრაფად მისასვლელად ნუ გადააჭარბებთ სიჩქარეს და ნუ გადაუჭრით გზას სხვა მანქანებს. ეს ბანალურია, მაგრამ ჩვეულებრივ ყველაზე საშინელი ავტოავარიები სწორედ გადაჭარბებული სიჩქარით არის გამოწვეული.
Loading ...