მომღერლისა და კომპოზიტორის დათო არჩვაძის საქციელი ნამდვილად სამაგალითოა. შემთხვევა ბათუმისკენ მიმავალ მატარებელში მოხდა, რომელსაც ეთო ბოკელავაძე პირადად შეესწრო:
“ბათუმისკენ მიმავალი მატარებლის მეზობელ ვაგონებში აღმოვჩნდით მე და ჩემი კოლეგა და დათო არჩვაძე, თავის გუნდთან ერთად.
მოულოდნელად, ჩვენს ვაგონში ერთი ახალგაზრდა გოგონა გახდა შეუძლოდ… დიაბეტი ჰქონია…
ვაგონში მყოფმა ექიმმა სამედიცინო დახმარება აღმოუჩინა. თუმცა, გოგონა ძალიან შეშინებული იყო და წუხდა. ეს ყველაფერი დათოს ყურამდე მისულა. სასწრაფოდ შემოვიდა ჩვენთან და გოგონა მოიკითხა. ცოტა ხანში კი უკან გაბრუნდა და ბიჭებს გასძახა, გიტარა წამოიღეთო.
ასე, რამდენიმე სიმღერა მიუძღვნეს გოგონას, გაამხნევეს, გაამხიარულეს, ხასიათზე მოიყვანეს…
მოულოდნელმა სიურპრიზმა გოგონა ისე გააოცა და გაახარა, აღარ იცოდა, ეტირა, თუ ეცინა…
ბოლოს უთხრა: ღირდა ჩემი ცუდად გახდომაო…
ასეა, ადამიანი ადამიანისთვის მზეა…
დათო კი…
მას პირადად არ ვიცნობდი, მაგრამ იმ დღიდან ვთვლი, რომ ერთ-ერთი ყველაზე ღირსეული ადამიანია!”
წყარო: artinfo.ge
Loading ...