დააკავეს კაცი, რომელმაც ცოლი სცემა და ათობით ჭრილობა მიაყენა

თბილისში, გლდანში, ქმარი მეუღლეს ფიზიკურად გაუსწორდა და სხეულზე სხვადასხვა სახის დაზიანებები მიაყენა.

შემთხვევა რამდენიმე დღის წინ მოხდა.

არსებული ინფორმაციით, მამაკაცმა ქალი ჯერ სცემა, შემდეგ კი სახრახნისით ათობით ჭრილობა მიაყენა. დაშავებული ქალი კლინიკაში გადაიყვანეს.

როგორც „ინტერპრესნიუსს“ შინაგან საქმეთა სამინისტროში განუცხადეს, ფაქტზე დაკავებულია ერთი პირი.

მომხდარზე გამოძიება განსაკუთრებული სისასტიკით ჩადენილი განზრახ მკვლელობის მცდელობის მუხლით მიმდინარეობს.