გურული მამაო თვალის ჩაპაჭუნებაზე კონკურსს აცხადებს – "არც ჯუდ ლოუს გამოუგონებია და არც გახარიას"

“ჭყინტი ყველის ჭამა მიყვარს კბილის გაკრაჭუნებაო, ლამაზ გოგოს კოცნა მიყვარს თვალის ჩაპაჭუნებაო….”. მეგობრებო, რადგან ხელის ჩამორთმევით მისალმება აგვეკრძალა, გთავაზობთ გურულ მისალმებას: დიახ! თვალის ჩაპაჭუნება არც ჯუდ ლოუს მოუგონია “ახალგაზრდა პაპში”, და არც პრემიერ გახარიას, ის ექსკლუზიურად გურულებს ეკუთვნის. და მეც, როგორც ერთი რიგითი გურული, ვაცხადებ კონკურსს საუკეთესო თვალის ჩაკვრაზე” _ წერს სოციალურ ქსელში მამა თეიმურაზ სიესიონ კალანდაძე და კონკურსში მონაწილეობის მისაღებად ყველას იწვევს: ” რა თქმა უნდა მონაწილეობა შეუძლია მიიღოს ყველამ. მაშ, მოდით, მეგობრებო ვუპაჭუნოთ ერთმანეთს სიყვარულით თვალები კორონა ვირუსის გულის გასახეთქად!” _ წერს მამაო