გურული გოგონების მიერ გატანილი მორიგი 10 გოლი – "ლანჩხუთი" კვლავ ლიდერია

ლანჩხუთის ქალთა საფეხბურთო გუნდმა საქართველოს ჩემპიონატის მეთორმეტე ტურში, შინ “გორი იუნაიტედს”  უმასპინძლა და დიდი ანგარიშით 10:2  დაამარცხა. 

ეს ლანჩხუთელების მეთერთმეტე გამარჯვებაა, მათ მხოლოდ ერთი ფრე აქვთ ნათამაშები. გურულები ლიგას 34  ქულით ერთპიროვნულად ლიდერობენ და უახლოეს მდევარს ათი ქულით უსწრებენ.

მორიგ მატჩს ლანჩხუთელი გოგონები სტუმრად გამართავენ. ისინი 7 აგვისტოს ხობში ადგილობრივ “კოლხეთს” შეხვდებიან.