“გურიაTV”-ს მიერ მოპოვებული ინფორმაციით, ხვალ გურიის რეგიონს შესაძლოა პრემიერ-მინისტრი გიორგი გახარია ესტუმროს. ამავე ინფორმაციის თანახმად, ის ოზურგეთში ახლადდანიშნულ გუბერნატორს გიორგი სახოკიას წარადგენს. ასევე, ოზურგეთში მოინახულებს ახლადრეაბილიტირებულ პირველ საჯარო სკოლას. ხსენებულ ინფორმაციასთან დაკავშირებით ჩვენ გურიის სამხარეო ადმინისტრაციას დავუკავშირდით. პრესსამსახურში ამბობენ, რომ პრემიერის შესაძლო ჩამოსვლასთან დაკავშირებით ინფორმაციას არ ფლობენ. შეგახსენებთ,რომ საქართველოს პრემიერ-მინისტრმა გიორგი გახარიამ ორი დღის წინ ოთხი რეგიონის ახალი გუბერნატორი წარადგინა. მათ შორის იყო პრემიერის აპარატის უფროსის მოადგილე გიორგი სახოკია, რომელმაც სახელმწიფო რწმუნებულის პოსტზე გურიის მხარეში ზურაბ ნასარაია შეცვალა.
კომენტარები
Loading ...