გურიას ახალი ვიცე-გუბერნატორი ჰყავს

გურიის ვიცე – გუბერნატორად ქეთი მოისწრაფეშვილი დღეს 1 თებერვალს დაინიშნა. აღნიშნული გადაწყვეტილება მხარის პირველმა პირმა გიორგი ურუშაძემ მიიღო. ვიცე – გუბერნატორის პოზიცია გურიის სამხარეო ადმინისტრაციაში 2022 წლის 1 აგვისტოდანაა ვაკანტური. მანამდე აღნიშნულ თანამდებობას 2021 წლის 10 სექტებრიდან – 2022 წლის 1 აგვისტომდე ლევან ჯაფარიძე იკავებდა. რაც შეეხება ქეთევან მოისწრაფეშვილს, იგი გურიის გუბერნიაში 2014 წლიდან მუშაობს. იგი სხვადასხვა პოზიციებს იკავებდა, იყო სამსახურის უფროსი, გუბერნატორის მოვალეობის შემსრულებელი, ვიცე – გუბერნატორი და გუბერნატორის მოადგილე.