გურიანთის საბავშვო ბაღი კორონავირუსის გამო დაიხურა

კორონავირუსის გავრცელების საშიშროების გამო ამ ეტაპისთვის სააღმზრდელო პროცესი შეჩერებულია გურიანთის საბავშვო ბაღში, ხოლო ჰიბრიდულზეა გადასული ქალაქის N2 და N4 სააღმზრდელო დაწესებულებები. როგორც ოზურგეთის სააღმზრდელო ცენტრის დირექტორმა, მაკა ჭყონიამ განაცხადა, გურიათის საბავშვო ბაღში ვირუსი, როგორც დაწესებულების თანამშრომელს, ასევე, აღსაზრდელებს დაუფიქსირდათ და ცენტრმა ოზურგეთის საზოგადოებრივი ჯანდაცვის ცენტრთან შეთანხმებით, ხსენებულ ბაღში სააღმზრდელო პროცესი შეაჩერა. რაც შეეხება ოზურგეთის N2 და N4 საბავშვო ბაღებს, აქ ამ ეტაპისათვის ერთეული ჯგუფებია დახურული.