სოფელ გუმათში, სადაც „ნამახვანჰესის“ მშენებლობის მოწინააღმდეგეებმა ღამე გაათენეს, ამ დროისთვის სიმშვიდეა.
ადგილზე აღმართული ბარიკადების მიღმა კვლავ რჩებიან სამართალდამცავები.
რაც შეეხება თავად აქციის მონაწილეებს, მათი პროტესტი გამთენიისას შეწყდა, იქამდე კი, ისე როგორც გასულ ღამეს, მომიტინგეები წუხელაც რკინის ბარიკადებს ხელებს რამდენიმე საათის განმავლობაში ურტყამდნენ და ამით ხმაურს გამოსცემდნენ.
ამასთან, შეგახსენებთ, რომ წუხელ აქციის მონაწილეებსა და პოლიციას შორის დაპირისპირება მოხდა, რა დროსაც სამართალდამცავებმა „ნამახვანჰესის“ მშენებლობის მოწინააღმდეგე 8 პირი დააკავეს. ისინი რკინის ჯებირებს მიღმა გადასვლას ცდილობდნენ.
ამ დრომდე ჩაკეტილი რჩება „ნამახვანჰესთან“ მისასვლელი ორივე გზა. აქციის მონაწილეები ამბობენ, რომ სოფელში შესვლის უფლებას მხოლოდ კომპანიის ტექნიკას არ მისცემენ, ხოლო ადგილობრივებისთვის გადაადგილება თავისუფალია.
აქციის მონაწილეების დღევანდელი გეგმები მოგვიანებით გახდება ცნობილი.
Loading ...