გრიგოლეთელ ახალგაზრდას ვირუსი არ დაუდასტურდა

ფოთში, ცხელების კლინიკაში საეჭვო სიმპტომების მქონე 5 პაციენტი იმყოფება. ყველა მათგანს ცხელება და სხვა რესპირატორული სიმპტომები აღენიშნებათ. ხუთიდან ერთ-ერთი პაციენტის კვლევის პასუხი უკვე ცნობილია. გრიგოლეთელ ახლაგზარდა მამაკაცს კოვიდ 19 არ დაუდასტურდა. ,,დღეს ცხელების კლინიკაში დილით დაიტესტა სამი პაციენტი, 33 წლის მამაკაცი გრიგოლეთიდან, 16 წლის გოგო ლანჩხუთიდან და 3 წლის გოგონა ფოთიდან. აქედან, გრიგოლეთიდან შემოყვანილი პაციენტის პასუხი უკვე მოვიდა და უარყოფითია. საღამოს დაგვემატა 42 წლის კაცი ფოთიდან და 49 წლის ქალი ოზურგეთიდან. ესენი ხვალ დილით დაიტესტებიან“ -განაცხადა ჰოსპიტალის დირექტორმა თეა მიგინეიშვილმა.