გორის რაიონული სასამართლო დიდ სკანდალში ეხვევა. მოსამართლე გოგა კუპრეიშვილი ადვოკატმა მამუკა ნოზაძემ მუქარაში ამხილა. უფლებადამცველი ირწმუნება, რომ სასამართლო კლანის ბოსის, ჩინჩალაძის ყოფილი თანაშემწე მას საჯაროდ დასჯით ემუქრებოდა და სხდომათა დარბაზში საქმეებს ურჩევდა.
საქმე ეხება ოციალურ ქსელში ნოზაძის მიერ დაწერილ კრიტიკული შინაარსის პოსტებს, რომელიც ეხება გორის რაიონული სასამართლოს მოსამაღლეების მიერ მიღებულ უსამართლო გადაწყვეტილებებს.
ნოზაძის თქმით, მოსამართლეები რიგ შემთხვევებში ისე იღებენ გადაწყვეტილებებს, რომ საქმის მასალებს არც კი ეცნობიან.
„მოსამართლემ პირდაპირ მიუთითა, რომ დამაპატიმრებდა, ან დამაჯარიმებდა, ან გამოიყენებდა ფუალდ სანქციას და მიუთითა ისეთი სამართლებრივი ნორმა, რომელიც ითვალისწინებს სასამართლო სხდომის დარბაზში წესრიგის დარღვევას და საერთოდ არაფერ შუაში არ არის საჯარო პოსტს გამოხატვასთან დაკავშირებით. საკმაოდ ცინიზმით გამოირჩევა ეს მოსამართლე. არის ჩვეულებრივი კლანის წევრი. ჩინჩალაძის თანაშემწე მეწერა და ეს ეწყინა“. – ამბობს ადვოკატი.
მოსამართლე კუპრეიშვილი გორის რაიონულ სასამართლოში 2018 წლიდან მუშაობს. მანამდე კი, წლების გამავლობაში ის მიხეილ ჩინჩალაძის თანაშემწე იყო.
Loading ...
