გიორგი ხანიშვილი – საქართველოს აქვს პოტენციალი მსოფლიო ბაზარზე დაიმკვიდროს მნიშვნელოვანი ადგილი, როგორც თხილის ექსპორტიორმა

გარემოს დაცვისა და სოფლის მეურნეობის მინისტრის პირველი მოადგილე გიორგი ხანიშვილი სურსათის ეროვნული სააგენტოს უფროსთან ზურაბ ჩეკურაშვილთან ერთად გურიის რეგიონში იმყოფებოდა. სახელმწიფო რწმუნებულთან და მუნიციპალიტეტების მერებთან შეხვედრებზე თხილის სექტორში არსებული ვითარება და გამოწვევები განიხილეს, შეხვდნენ მეთხილე ფერმერებს და დაათვალიერეს თხილის ბაღები.

გიორგი ხანიშვილმა და ზურაბ ჩეკურაშვილმა მოინახულეს ასევე რეგიონში მშენებარე ახალი საშრობი და საწყობი ცენტრები, სადაც მოხდება თხილის მოსავლის პირველადი დამუშავება, გარჩევა, შრობა, ლაბორატორიული ანალიზი და დასაწყობება.