იუსტიციის სამინისტროს ინფორმაციით, გიორგი რურუას ცემის საქმეზე პენიტენციური სამსახურის 2 თანამშრომელი დააკავეს. დაკავებულია პენიტენციური დაწესებულების უსაფრთხოების განყოფილების უფროსი ინსპექტორი შ. მ. და სამართლებრივი რეჟიმის განყოფილების მთავარი ინსპექტორი ლ. გ.
ციხის მაღალჩინოსნები სისხლის სამართლის კოდექსის 342-ე მუხლის პირველი ნაწილით დააკავეს. ამ მუხლით ჯარიმა, შინაპატიმრობა ან 3 წლამდე პატიმრობაა გათვალისწინებული. უწყება განმარტავს, რომ საქმეზე გრძელდება გამოძიება.
კომენტარები
Loading ...