გიორგი მამარდაშვილი „ლივერპულის“ სასტარტო შემადგენლობაში ბრუნდება

ჩემპიონთა ლიგის 1/8-ფინალში, სტამბოლში „გალათასარაისთან“ „ლივერპულის“ კარს გიორგი მამარდაშვილი დაიცავს – ინფორმაციას ინტერნეტგამოცემა liverpooloffside-ი ავრცელებს.

„ტრავმის გამო ალისონ ბეკერი სტამბოლში „ლივერპიულის“ გასამგზავრებელთა შორის ვერ მოხვდა. ​​ჩემპიონთა ლიგის მერვედფინალში „გალათასარაის“ წინააღმდეგ სასტარტო შემადგენლობაში გიორგი მამარდაშვილს ვიხილავთ.

ალისონი ვარჯიშზე დაშავდა და მიუხედავად იმისა, რომ კლუბმა დეტალები, მათ შორის ტრავმის შესაძლო ხანგრძლივობა და გამოჯანმრთელების ვადები, ჯერ არ დაადასტურა, უდავოა, რომ 33 წლის ბრაზილიელი სათამაშოდ მზად არ იქნება.

მამარდაშვილს მესამე მეკარე ფრედი ვუდმენი შეუერთდა, რომელიც გასულ სეზონში ჩემპიონშიფის „პრესტონში“ იჯარით თამაშობდა. მესამე კიპერი კი აკადემიის 18 წლის პერსპექტიული მოთამაშე კორნელ მიშური იქნება.

შეგახსენებთ, ალისონმა შემოდგომაზე ბარძაყის კუნთის ტრავმის გამო ცხრა თამაში გამოტოვა, ხოლო 2023-24 და 2024-25 წლების სეზონებში ანალოგიური ტრავმის გამო მნიშვნელოვანი დრო გაუცდა“, – წერს გამოცემა.

შეგახსენებთ, რომ ჩემპიონთა ლიგაზე „გალათასარაი“ „ლივერულს“ 10 მარტს უმასპინძლებს.