პარლამენტის პირველი ვიცე-სპიკერის გია ვოლსკის განცხადებით, ოპოზიციის ბრალდებები მიუთითებს იმაზე, რომ მათ პრემიერ-მინისტრის პარლამენტში დაბარება „მხოლოდ პოლიტიკური სპეკულაციისთვის სურთ“.
როგორც დეპუტატი აღნიშნავს, პრემიერი პარლამენტში მას შემდეგ მივა, როცა „ეს მდგომარეობა დამთავრდება“ და ანგარიშით წარსდგება დეპუტატების წინაშე.
„სიღარიბის კატასტროფული მაჩვენებელი დაგვიტოვა ოპოზიციამ როცა მმართველობიდან წავიდა 2012 წელს. იმ პერიოდის შემდეგ პოზიტიური ტენდენცია მიმდინარეობს, თუმცა, რასაკვირველია, ასე უცებ ვერ დაიძლეოდა ეს სერიოზული გამოწვევა, ახლა ამას დაემატა ეს ვირუსი და პანდემიის საშიშროება და ჩვენ კვლავ სიღარიბის თემას ვუბრუნდებით მთელი აქტიურობით. ხელისუფლების დადანაშაულება სწორედ იმაზე მიუთითებს, რომ უსაფუძვლოა იმაზე საუბარი, რომ პარლამენტის ზედამხედველობის ფუნქციისთვის უნდათ პრემიერის მოსვლა პარლამენტში, რასაკვირველია ეს თემა უნდათ პოლიტიკური სპეკულაციისთვის გამოიყენონ. სიღარიბე არის გამოწვევა, სერიოზული პრობლემა, მითუმეტეს ამ ვირუსთან ბრძოლის საგანგებო რეჟიმში. როგორც კი დამთავრდება ეს მდგომარეობა და იმედი გვაქვს ეს მალე მოხდება, პრემიერ-მინისტრი რასაკვირველია განვლილი მუშაობის საქმიანობით, ანგარიშით და მომავალზე სალაპარაკოდ მოვა პარლამენტში,“- განაცხადა გია ვოლსკიმ.
ცნობისთვის, ფრაქცია „ნაციონალური მოძრაობა“ პრემიერ-მინისტრს პარლამენტში ინტერპელაციის წესით იბარებენ.
Loading ...