გია გაჩეჩილაძის, იგივე “უცნობის” ორგანიზებით თბილისში “ევროპის მოედანზე” აქცია იმართება. აქციაზე ასეულობით ადამიანია შეკრებილი, მათი ნაწილი რაიონებიდან ჩამოვიდა.
ის თავის აქციას საქართველოს პატრიაქრს, ილია მეორე უკავშირებს. ის ამბობდა, რომ მადლობა უნდა გადაუხადოს პატრიარქს გამძლეობისთვის, მოთმინებისთვის, რასაც “საერთოდ ითმენს ეს ღირსეული ადამიანი ამ ქვეყანაში”. სწორედ მის მიმართ “მადლობით” დაიწყო მან თავისი აქცია.
საპატრიარქოში რადიო თავისუფლებას უთხრეს, რომ ეს დამოუკიდებელი აქციაა და მათთან კავშირი არ აქვს, შესაბამისად უჭირთ ამ საკითხზე კომენტარის გაკეთება.
“დამოუკიდებლად აკეთებს… ჩვენი პოზიცია რანაირი უნდა იყოს, ადამიანი აკეთებს აქციას… სხვა აქციებზე რატო არ გვეკითხებით… [უშუალოდ პატრიარქზე საუბარს] რა უჭირს… არ მაქვს არანაირი კომენტარი, ძალიან ხელოვნური იქნება, რაღაცა უნდა მოვიფიქრო, არ მაქვს არანაირი კომენტარი”, – განაცხადა საპატრიარქოს პრესსპიკერმა, მამა ანდრია ჯაღმაიძემ რადიო თავისუფლებასთან საუბრის დროს.
გაჩეჩილაძემ გუშინ, რუსთავი 2-ის ეთერში თქვა, რომ აქციის მიზანია “პოლიტიკური ნაგავი” გაიტანოს “ქართულმა ოცნებამ”.
“ხვალინდელი დღე არის დასაწყისი დასასრულის ამ ყველაფერის, რაც ახლა ხდება. ამ სტუდიიდან, სადაც ახლა მე ვზივარ, ვაპირებ ახალი მოძრაობის ჩამოყალიბებას საზოგადოებასთან ერთად, ინტერაქტივებით და ა.შ. რომ გავათრიოთ თუ მათ არ შეუძლიათ ეს ნაგავი საზოგადოებამ გაათრიოს ამ ქვეყნიდან, პოლიტიკურ ნაგავზე მაქვს ლაპარაკი”, – თქვა მან.
www.radiotavisupleba.ge
Loading ...