გერმანიაში ცოლზე ძალადობაში ბრალდებულ ქართველ კაცს სამუდამო პატიმრობა მიუსაჯეს | ინფორმაციას გერმანული მედია, Deutsche Welle ავრცელებს. თენგიზ კაკიაშვილმა ცოლს ტრამვაიში ბენზინი გადაასხა, რის გამოც ქალმა სიცოცხლისთვის საშიში დაზიანებები მიიღო. შემთხვევა 2025 წლის, 16 მარტს, გერმანიის ქალაქ გერაში მოხდა. რამდენიმე დღის წინ სასამართლო პროცესზე ბრალდებულმა დანაშაული აღიარა და მოინანია. საქართველოს მოქალაქე დამნაშავედ ცნეს მკვლელობის მცდელობასა და დამამძიმებელ გარემოებებში ჩადენილ დანაშაულში. მას 75 000 ევროს კომპენსაციის გადახდა დაეკისრა. მოსამართლე ტონდორფმა განაცხადა, რომ 47 წლის კაცმა ცოლის მოკვლა სცადა, რადგან მას ქორწინების დასრულება სურდა.
მედიის ცნობით, მსჯავრდებული კაცი გერმანიაში 2018 წელს ჩავიდა, მოგვიანებით კი გერმანიაში მისი ცოლი და შვილებიც ჩავიდნენ. კაცმა იცოდა, რომ მარტში მომხდარი თავდასხმის დროს სხვა მგზავრებიც შეიძლებოდა დაშავებულიყვნენ, ამიტომ შემთხვევის ადგილიდან გაიქცა. მოგვიანებით კი პოლიციას თავად ჩაბარდა.
წყარო: “მთავარი“
კომენტარები
Loading ...