კულტურის ყოფილი მინისტრი, ნიკა ვაჩეიშვილი სოციალურ ქსელში აქვეყნებს გელათის სამონასტრო კომპლექსის მთავარ ტაძარში გადაღებული მოზაიკის ფოტოებს, სადაც ასახულია მეთორმეტე საუკუნეში გაწყობილ ღვთისმშობლის მოზაიკაზე არსებული დაზიანებები.
ნიკა ვაჩეიშვილი წერს, რომ ტაძარში ჩასულმა წყალმა დააზიანა ღვთისმშობლის თვალის ქვეშ, ღაწვის მონაკვეთი და ამ ფაქტს საუკუნის დანაშაულს უწოდებს:
„ძალიან ცუდი ამბებია გელათიდან. დავით აღმაშენებლის დროს გაწყობილ ღმრთისმშობლის მოზაიკაზე დაიწყო ზედაპირის ცვენის პროცესი. ტაძარში ჩასული წყალმა მოაძრო წმინდა მარიამის თვალთან მონაკვეთი. ეს ყველაზე სუსტი ადგილი იყო მოზაიკაზე, ადრე ტონირებული, ამიტომაც ჯერ ის ჩამოვარდა. ლაქები გარშემოც გამოიკვეთა. ჩამოცვივდება სმალტებიც. ჩანს, რომ პროცესი ინტენსიურია“.
ნიკა ვაჩეიშვილი საქართველოს საპატრიარქოსა და კულტურის, სპორტისა და ახალგაზრდობის სამინისტროს მიმართავს და რეაგირებისკენ მოუწოდებს.
Loading ...