გაფრთხილება ამინდის შესახებ – მეწყერი, შტორმი, ელჭექი – სად გაუარესდება ამინდი უახლოეს დღეებში

გარემოს ეროვნული სააგენტოს ცნობით, 17 ოქტომბრიდან საქართველოში ამინდი მნიშვნელოვნად გაუარესდება.

”17 ოქტომბერს გვიან საღამოდან 21 ოქტომბრამდე საქართველოში მოსალოდნელია დროგამოშვებით წვიმა ელჭექით,ზოგან ძლიერი, იქროლებს დასავლეთის მიმართულების ძლიერი ქარი.

20 ოქტომბერს მნიშვნელოვნად დაიკლებს ჰაერის ტემპერატურა, მაღალთიან ზონაში მოთოვს, ზღვაზე მოსალოდნელია ძლიერი, 4-5 ბალიანი შტორმი.

მოსალოდნელმა ძლიერმა ნალექებმა შესაძლებელია საქართველოს მდინარეებზე წყლის დონეების მნიშვნელოვანი მატება, ხოლო ქვეყნის მთიან ზონებში მეწყრული პროცესების ჩასახვა-გააქტიურება გამოიწვიოს.” – აცხადებს გარემოს ეროვნული სააგენტო