გარდაიცვალა კაცი, რომელსაც ღორის გენმოდიფიცირებული გული გადაუნერგეს

57 წლის დევიდ ბენეტი, რომელსაც იანვარში  ღორის გული გადაუნერგეს, გარდაიცვალა.

დევიდ ბენეტი მერილენდის უნივერსიტეტის სამედიცინო ცენტრში გარდაიცვალა, სადაც მას გადანერგვის ოპერაცია 7 იანვარს ჩაუტარეს. ოპერაციის შემდეგ პაციენტმა გამოჯანმრთელება დაიწყო. თუმცა  ბოლო დღეებში მისი მდგომარეობა გაუარესდა. ოთხშაბათს იგი გარდაიცვალა.

ბენეტი იყო პირველი პაციენტი, რომელმაც მიიღო გენეტიკურად მოდიფიცირებული ცხოველის ორგანო.

საავადმყოფოს სპიკერმა დებორა კოცმა თქვა, რომ ბენეტის გარდაცვალების აშკარა მიზეზი ჯერჯერობით არაა გამოვლენილი.  მკვლევარები აპირებენ ჩაატარონ მისი გარდაცვალების საფუძვლიანი კვლევა და გამოაქვეყნონ შედეგები რეცენზირებად ჟურნალში.

„ჩვენ განადგურებულნი ვართ მისტერ ბენეტის დაკარგვით. მან დაამტკიცა, რომ იყო მამაცი და კეთილშობილი ადამიანი, რომელიც ბოლომდე იბრძოდა. ჩვენ გულწრფელ სამძიმარს ვუცხადებთ მის ოჯახს“, – თქვა ექიმმა ბარტლი გრიფიტმა, ქირურგმა, რომელიც ხელმძღვანელობდა ბენეტის ტრანსპლანტაციას.

www.usatoday.com