განახლებადი ენერგიისა და ენერგოეფექტურობის ეროვნული პოლიტიკა – სემინარი გურიის რეგიონის მუნიციპალიტეტების წარმომადგენლებისთვის

31 ივლისს გურიის რეგიონის მუნიციპალიტეტების (ოზურგეთი, ლანჩხუთი, ჩოხატაური) საჯარო სამსახურების წარმომადგენლებისათვის სემინარი თემაზე – “განახლებადი ენერგიისა და ენერგოეფექტურობის ეროვნული პოლიტიკა” – ჩატარდა. სემინარი “ენერგოეფექტურობის ცენტრმა საქართველო”-მ,  “თავისუფალი მედია სივრცის’ მიწვევით ჩაატარა. სემინარზე მუნიციპალიტეტის წარმომადგენლებს საშუალება ჰქონდათ გაცნობოდნენ ისეთ საკითხებს, როგორიცაა: მერების შეთანხმება და ენერგოეფექტურობის პოლიტიკა საქართველოში, საერთაშორისო და ეროვნული ვალდებულებები, ერთობლივი მდგრადი ენერგეტიკისა და კლიმატის სამოქმედო გეგმის (SECAP) შემუშავების მთავარი პრინციპები, ენერგომენეჯემენტი (EMS) შენობებში. აღსანიშნავია, რომ გურიის რეგიონის მუნიციპალიტეტები წარმოადგენს ‘მერების შეთანხმების’ ხელმომწერს, რომელსაც ვალდებულება აქვს 2030 წლისთვის 30% შეამციროს CO2 ემისიები მუნიციპალიტეტის ტერიტორიაზე სხვადასხვა განახლებადი და ენერგოეფქტური ღონისძიებების განხორციელებით და ასევე შეიმუშავოს ერთბოვი მდგრადი ენერგიკისა და კლიმატის სამოქმედო გეგმა (SECAP). ღონისძიება ჩატარდა პროექტი „მწვანე ეკონომიკა ქალაქის უკეთესი მომავლითვის“ ფარგლებში, რომელსაც ახორციელებს ადგილობრივი ორგანიზაცია „თავისუფალი მედია სივრცე“ გლობალური გარემოსდაცვითი ფონდის (GEF) მცირე გრანტების პროგრამის დაფინანსებით, გაეროს განვითარების პროგრამა (UNDP) და საქართველოს გარემოს დაცვისა და სოფლის მეურნეობის სამინისტროსთან თანამშრომლობით.