ბრიტანეთში დააკავეს მამაკაცი, რომელიც არბალეტით დაესხა თავს გამვლელებს. „ბიბისის“ ცნობით, ინციდენტი ქალაქ ლიდსში მოხდა. მედიის ინფორმაციით, 38 წლის თავდამსხმელი, რომელიც გამვლელებს არბალეტითა და ცეცხლსასროლი იარაღით დაესხა თავს, დაკავებულია.
თავდასხმის შედეგად ორი ქალი დაშავდა. ამასთან, ადგილობრივი პოლიციის განცხადებით, შემთხვევის ადგილზე მისულმა სამართალდამცველებმა აღმოაჩინეს სამი დაშავებული ადამიანი, ორი ქალი, ასევე თავდამსხმელი, რომელმაც საკუთარ თავს მიაყენა ჭრილობები.
დაშავებული ორი ადამიანი გადაიყვანეს საავადმყოფოში სამედიცინო დახმარების აღმოსაჩენად. შემთხვევის ადგილზე აღმოაჩინეს ორი ერთეული იარაღი – არბალეტი და ცეცხლსასროლი იარაღი. ინციდენტის გარემოებებიდან გამომდინარე, გამოძიებას ხელმძღვანელობს ჩრდილო-აღმოსავლეთ რეგიონის ტერორიზმთან ბრძოლის პოლიცია. თავდასხმის შესაძლო მოტივები ჯერ უცნობია.
Loading ...