გაზრდილი აქტივობის მიუხედავად, რუსულ ძალებს, ბოლო 24 საათის განმავლობაში მნიშვნელოვანი მიღწევები არ ჰქონიათ, რადგან უკრაინული ძალების კონტრშეტევები კვლავ აფერხებს მათ ძალისხმევას, – ამის შესახებ გაერთიანებული სამეფოს თავდაცვის სამინისტროს დაზვერვის განახლებულ ინფორმაციაშია აღნიშნული.
მათივე ინფორმაციით, რუსეთის საჰაერო და საზღვაო ძალებს „არ დაუმყარებიათ კონტროლი არც ერთ ტერიტორიაზე, უკრაინის საჰაერო და საზღვაო თავდაცვის ეფექტურობის გამო, რაც ამცირებს მათ შესაძლებლობას მნიშვნელოვანი პროგრესის მიღწევაში“.
გაერთიანებული სამეფოს თავდაცვის სამინისტროს შეფასებით, მძიმე ბრძოლა გრძელდება მარიუპოლშიც.
“მიუხედავად მათი განცხადებისა, რომ მარიუპოლი დაიპყრეს, მძიმე ბრძოლები გრძელდება, რაც აფერხებს რუსეთის მცდელობებს, აიღოს ქალაქი,“- ნათქვამია ინფორმაციაში.
მათი მტკიცებით, უკრაინული ძალების ეს წინააღმდეგობა აფერხებს იმ პროგრესს, რისი მიღწევაც ოკუპანტებს დონბასის რეგიონში სურთ.
Loading ...
