ბრიტანეთის სამხედრო დაზვერვის ცნობით, მართალია, სუვეროდონეცის აღება რუსეთისთვის წარმატებაა, მაგრამ ეს არ ნიშნავს დონბასის მთლიანად დაკავებას.
“სავარაუდოდ, უკრაინული ძალების დიდმა ნაწილმა დონბასის ქალაქ სევეროდონეცკში თავდაცვითი პოზიციები დატოვა. […] რუსეთის მიერ ქალაქის აღება მნიშვნელოვანი მიღწევაა, შემცირებული მიზნის გათვალისწინებით. დასახლება მთავარი სამრეწველო ცენტრია და მას მდინარე სივერსკის დონეცზე სტრატეგიული პოზიცია აქვს. თუმცა, ეს მხოლოდ ერთ-ერთია იმ რამდენიმე რთული მიზნიდან, რომელსაც რუსეთმა უნდა მიაღწიოს მთელი დონბასის რეგიონის ოკუპაციისთვის. მას სჭირდება კრამატორსკის მთავარ ცენტრში წინსვლა და დონეცკის სამარშრუტო გზების ბლოკირება. “. – ვკითხულობთ დაზვერვის ყოველდღიურად განახლებად ანგარიშში.
გუშინ, 25 ივლისს რუსულმა სამხედრო ძალებმა სრულად დაიკავეს და კონტროლი დაამყარეს ქალაქ სევეროდონეცკზე.
უკრაინის შეიარაღებულმა ძალებმა სევეროდონეცკის დატოვების ბრძანება 24 ივნისს მიიღეს.
სევეროდონეცკში რამდენიმე კვირაა აქტიური ბრძოლები მიმდინარებს. ქალაქის ნაწილებზე უკრაინელებისა და რუსების კონტროლი რეგულარულად იცვლებოდა. კვირების განმავლობაში რუსული სამხედრო ძალები უკვე აკონტროლებენ სევერედონეცკის უმეტეს ნაწილს, თუმცა არა მთელ ქალაქს.
ლუგანსკის ოლქის სამხედრო ადმინისტრაციის მეთაურის, სერგეი გაიდაის ინფორმაციით, სევეროდონეცკში განადგურებულია სოციალური ინფრასტრუქტურისა და საცხოვრებელი სახლების 90%.
Loading ...
