BBC-ის რეპორტაჟი, რომლის მიხედვითაც, საქართველოს ხელისუფლებამ მშვიდობიანი მომიტინგეების წინააღმდეგ შესაძლოა ძველი ქიმიური იარაღი, სახელად კამიტი, გამოიყენა, ძალიან შემაშფოთებელია. ინფორმაციაში ნათქვამია, რომ ადამიანებს კანის წვა, სუნთქვის პრობლემები, ძლიერი ხველა და გულის პრობლემებიც კი აღენიშნებოდათ. ეს ცრემლსადენ გაზზე ნორმალური რეაქციები არ არის, ეს გაცილებით უარესია.თუ ეს ინფორმაცია სიმართლეა, ეს ნიშნავს, რომ ქართველი ხალხის წინააღმდეგ ტოქსიკური იარაღი გამოიყენეს. ეს შეცდომა არ არის, ეს სერიოზული დანაშაულია და ადამიანის უფლებებისა და ევროპული ღირებულებების აშკარა დარღვევაა. მე მჯერა, რომ უნდა ჩატარდეს სრული, კეთილსინდისიერი და დამოუკიდებელი გამოძიება. ყველა პასუხისმგებელი პირი უნდა დაისაჯოს. საქართველო ევროკავშირის კანდიდატი ქვეყანაა. მისი გზა ევროპისკენ თავისუფლებაზე, სამართლიანობასა და პატივისცემაზე უნდა იყოს აგებული და არა შიშსა და ძალადობაზე.
ევროპარლამენტარი კშიშტოფ ბრეიზა BBC-ის საგამოძიებო სიუჟეტს ეხმაურება, რომლის თანახმადაც, მათ მიერ მოპოვებული მტკიცებულებები მიუთითებს, რომ გასულ წელს საქართველოს ხელისუფლებამ ანტისახელისუფლებო დემონსტრაციების დასაშლელად პირველი მსოფლიო ომის დროინდელი ქიმიური ნივთიერება გამოიყენა.
Loading ...