ბორჯომში ბოლო ზარი მსხვერპლით დასრულდა

ბორჯომში, მწვანე მონასტრის ტერიტორიაზე, ბოლო ზარი მსხვერპლით დასრულდა. ავტოსაგზაო შემთხვევა დღეს დაახლოებით 15:00 საათისთვის მოხდა.

თვითმხილველების თქმით მაღალი სიჩქარით მომავალი ორი მანქანის შეჯახების შემდეგ ერთი მდინარეში გადავარდა. მანქანაში ბორჯომის ერთ-ერთი საჯარო სკოლის მოსწავლეები ისხდნენ. ადგილზე მისულ სასწრაფო დახმარების ჯგუფს ერთი მოსწავლე გარდაცვლილი დახვდა, სამი კი დაშავებული.

ერთი მათგანი მრავლობითი დაზიანებებით ბორჯომის კლინიკა “ჯეო ჰოსპიტალშია” გადაყვანილი. დაშავებულთაგან ერთი გოგონა და ორი ბიჭია.

ბორჯომის „ჯეო ჰოსპიტლის“ ხელმძღვანელმა ირაკლი დიასამიძემ “მეცხრე არხთან” საუბრისას განაცხადა, რომ კლინიკაში ერთი პაციენტია შეყვანილი.

“დაახლოებით ნახევარი საათის წინ შემოიყვანეს დაშავებული გოგონა, მისი მდგომარეობა დამაკმაყოფილებელია, უტარდება კვლევები” – აღნიშნა დიასამიძემ.

წყარო: “მეცხრე არხი”