ბოლნისის მუნიციპალიტეტის სოფელ მუშევანში აღებული 574 ბიოლოგიური მასალის კვლევის შედეგად, კოვიდინფექცია 17-ს დაუდგინდა. ამასთან ერთად 14 საკვლევი მასალა ქალაქ ბოლნისში იქნა აღებული და კორონავირუსი ერთ პირს დაუდგინდა.
როგორც “ინტერპრესნიუსს” ბოლნისის მუნიციპალიტეტის მერიაში განუცხადეს, 29 მაისს მუშევანიდან ლუგარის ლაბორატორიაში 574 საკვლევი მასალა გადაიგზავნა, ქალაქ ბოლნისიდან კი 14. სულ 18 დადასტურებული შემთხვევაა, მათგან 17 მუშევანში, ერთი კი ბოლნისის ე.წ სასწრაფო-სამედიცინო კლასტერს მიეკუთვნება და ბრიგადის მძღოლია.
ამ დროისათვის მუშევანში 73 კოვიდინფიცირების ფაქტია. ბოლნისის მუნიციპალიტეტში კი ჯამში 183 ინფიცირებულია, მათგან 83 გამოჯანმრთელდა, 3 გარდაიცვალა.
კომენტარები
Loading ...