"ბოდიში ყველას' _ ძიძიგურმა თანამდებობა და უმრავლესობა გუნდთან ერთად დატოვა

ზვიად ძიძიგურმა პარლამენტის თავმჯდომარის თანამდებობა და უმრავლესობა გუნდათ ერთად დატოვა.

შესაბამისი განცხადება ძიძიგურმა რამდენიმე წუთის წინ საგანგებო ბრიფინგზე გააკეთა;

მან  საზოგადოებას ბოდიში მოუხადა და აღნიშნა, რომ ეს გადაწყვეტილება გუშინ, პარლამენტში განვითარებული მოვლენების გამო მიიღო.

მისივე თქმით, , „კონსერვატორები“ ყოველთვის იდგნენ გუნდის გვერდით, როცა ეს გუნდს სჭირდებოდა.

„ეს ყველაფერი გუშინ ჩაფლავდა. მინდა განვაცხადო, იმის გასაგონად, რომ ჩვენ გუნდი მივატოვეთ, როცა ჩვენ გუნდს ვჭირდებოდით, ეს გადაწყვეტილება მიგვაღებინა იმ 40-მა დეპუტატმა, ვინც უარი განაცხადა მხარი დაეჭირა საკონსტიტუციო ცვლილებებისთვის. „კონსერვატორებს“ არასდროს გვიღალატია გუნდური თამაშის პრინციპებისთვის. არ ვაპირებთ დავრჩეთ იქ, სადაც იღებენ ისეთ გადაწყვეტილებას, რომელიც პოლიტიკური და მორალური თვალსაზრისით არის გაუმართლებელი. ამას იმიტომ ვამბობ, რომ რბილი სიტყვა შევარჩიო, თუმცა სხვა სიტყვაც მადგება პირზე“, – განაცხადა ზვიად ძიძიგურმა.