ბელარუსში ავტოკატასტროფაში დაიღუპა რადიო თავისუფლების ტელეარხ „ნასტოიაშჩეე ვრემიას“ (Current Time-ის) პროექტის, „უცნობი ბელარუსის“ ორი თანამშრომელი: ვლადიმირ მიხაილოვსკი და მაქსიმ გავრილენკო.
შემთხვევა მოხდა ჰომელიდან მინსკისკენ მიმავალ ავტომაგისტრალზე. მათთან ერთად მყოფი რეჟისორი, ლიუბოვ ზემცოვა კრიტიკულ მდგომარეობაში იმყოფება საავადმყოფოში.
მანქანას, რომელშიც ჟურნალისტები ისხდნენ, შეეჯახა საპირისპირო მიმართულებით, შემხვედრ ზოლზე მომავალი ავტომობილი.
პროექტის მონაწილეები იღებდნენ პროგრამას მოხალისეების შესახებ, რომლებიც კორონავირუსის პანდემიის დროს ექიმებს ეხმარებოდნენ.
„უცნობი ბელარუსი“ „ნასტოიაშჩეე ვრემიას“ ახალი პროექტია, ეთერში გავიდა მისი ოთხი ეპიზოდი.
www.radiotavisupleba.ge
კომენტარები
Loading ...