ბახმაროში მოსული თოვლის გამო, გარესამყაროს მოწყვეტილი ოჯახების, მათ შორის მესაქონლეების ნაწილი ამ დროისთვის ადგილიდან გამოყვანილია. როგორც „ინტერპრესნიუსს“ ჩოხატაურის მუნიციპალიტეტის მერმა ირაკლი კუჭავამ განუცხადა, ამ ეტაპზე ცენტრალური გზის გაწმენდითი სამუშაოები მიმდინარეობს. ამასთან, მისი თქმით, თავად ადგილზე იმყოფება და საჭიროების შემთხვევაში დახმარებას ყველას გაუწევენ.
„გამოიდარა, თოვლი დნობას იწყებს. პრობლემები აღარ არსებობს. თუკი სადმე რამეა, ჩვენ ყველგან მივდივართ, ვმოძრაობთ. „ენერგო-პროც“ მუშაობს, ადგილზეა, რათა ელექტროენერგიის მიწოდება, სადაც ტექნიკურად იქნება შესაძლებელი, ყველგან განხორციელდეს. მაღაზიებიც მუშაობს.“ – განაცხადა ირაკლი კუჭავამ.
კომენტარები
Loading ...