საქართველოს თავდაცვის ყოფილი მინისტრი ბაჩო ახალაია დააკავეს. ამის შესახებ სახელმწიფო უსაფრთხოების სამსახურში გამართულ ბრიფინგზე განაცხადეს.
როგორც უწყებაში განმარტავენ, ბაჩო ახალია 4 ოქტომბრის მოვლენებს ხელმძღვანელობდა.
“დადგინდა, რომ 4 ოქტომბრის დანაშაულებრივი მოვლენების დროს მოვლენებს ხელმძღვანელობდა ბაჩანა ახალაია” – განაცხადეს სუს-ში.
10 ოქტომბერს ბაჩო ახალაია ცენტრალური კრიმინალურ პოლიციის დეპარტამენტში, ხოლო მისი ცოლი, ანი ნადარეიშვილი სუს-ში დაიბარეს – ორივე საქმე 4 ოქტომბრის აქციას უკავშირდებოდა. ბაჩო ახალაიასგან ხმის ნიმუშიც აიღეს, გამოძიება არკვევდა პროსახელისუფლებო მედია საშუალებებით გავრცელებული აუდიოჩანაწერის ავთენტიკურობას, რომელშიც, თითქოს, ბაჩო ახალაია პაატა ბურჭულაძეს, 4 ოქტომბრის აქციის გეგმებზე ესაუბრება. თავდაცვის ყოფილმა მინისტრმა მედიასთან ჩანაწერის ავთენტურობა უარყო.
კომენტარები
Loading ...