ბათუმში საცხოვრებელ სახლში ხანძარი გაჩნდა

ხანძარი იყო ბათუმში. ფარნავაზ მეფისა და თაყაიშვილის კვეთაში ცეცხლი საცხოვრებელ სახლს გაუჩნდა.

შემთხვევის ადგილას სახანძრო-სამაშველო სამსახურის რამდენიმე ბრიგადა მუშაობდა.

დამწვარია მანსარდი. საგანგებო სიტუაციების მართვის სამსახურის ინფორმაციით, შემთხვევის შედეგად არავინ დაშავებულა.

​თვითმხილველების თქმით, მიმდებარე სახლებში მცხოვრებ მოქალაქეებს დროებით საცხოვრებლის დატოვებისკენ მოუწოდებდნენ, იყო ძლიერი დაკვამლიანებაც.

ცეცხლი სავარაუდოდ ელექტროსადენებს  გაუჩნდა. შემთხვევის ადგილას იმყოფებოდნენ სამართალდამცველებიც, მიმდინარეობს გამოძიება.

ajaratv.ge